اشكال نراها في ستار بكس
* النوع الاول هو الكول: يطلبون موكا ...الشباب: كول و اغلب لبسهم من زارا و الشعر جل بس حلو و غالبا ما يكونون مالطين الشنب و البعض عنده قفل ... بواكتهم و ساعاتم ماركه ومالهم شغل باحد ...البنات: برونزية "حنطاوية" والشعر كستنائي او بيضة حلوه والشعر اسود ... يلبسون من زارا او مس سيكستي و الميك اب خفيف و حلو ...
* النوع الثاني هو الهيلق : يفترون او يقعدون بدون طلب ... و اذا كثروا ياخذون ماي ...الشباب: لا شكل ولا لبس و هيلق يتحرشون بعبط باي بنت والكل موخر عنهم او يضحكون عليهم ... البنات: حجابات او شعر خشن و جكر الحمدلله والشكر و شكثر يتلفتون ويخزون واللبس عادي "من السالمية القديمة" وغالبا ما يكون احمر ...*
النوع الثالث هو ..؟. .؟.. : اذا كثروا شربوا قهوه او طلبوا اي شي لانهم مايعرفون شنو بالمنيو<---(( واحد موصف له ستاربكس )) ...الشباب: دشداشة و غوله 7 سم و بزمات ... يلبسون شماغات ... مادري اذا المراسيم ولا امبيريال ولهم ويه يتحرشون بالبنات ... البنات: لا تعليق ...*
النوع الرابع: يطلبون حلويات العوايل: تكون عائلة كلها بنات يعني لازم الام والخاله وبناتهم ... غالبا ما تكون الام شقره وساعات متحجبه بس الشعر الاشقر كله طالع اما بناتهم يكونون كشخة بالملابس بس مو ذاك الزود بالجمال ... و وايد يخزون ... المجموعات: يكونون شباب وبنات ... اعمارهم "23-28" قاعدين على طاوله واحده و بينهم لبناننين يتكلمون كويتي ...*
النوع الخامس: البزنس ... و يطلبون هوت شوكليت ...الشباب: كشخه و تكانه ... يلبسون دشداشة و غتره و ما يعطون ويه و دايما يسولفون ويظحكون ... البنات: غالبا ما تكون وحده محجبة وحلوه والثانية مو محجبه تلبس نظارات و يسولفون من صجهم بدون ما يطالعون احد ... *
الحين: بعد ما قريتوا انتو من اي نوع قووولو ترا مافي احد غريب لووووول
posted by مزاجيه @ 6:44 م
8 Comments:
والله يا مزاجية موضوعج وايد حلو بس صعب الواحد يلقى نفسه اب اي نوع فمثلا انا لمن اروح ستار بوكس اطلب موكا بس عمري ما لبست من زارا عشان ما في مقاسي واملي احصل هناك مقاسي واذا على الساعة والبوك مقدور عليهم فا ما ادري اي نوع انتي تصنفيني
ههههه مزاااجيه واااايد حلو بوستج .. انا ماعتقد نوعي موجود من هالخمسة بس أقوللج وانتي حكمي
أنا الله يسلمج ما أقول اني كوووول ولا هيلقية والحمد لله أنا أشتري من كل مكان انتي عارفه هالشي بس اهم شي اني اكون مرتبه :)
بالنسبه ل "ستاربكس" انا عن نفسي هدفي الاول والاساسي اهو اني اشرب قهوه مايهمني فلان ولا علان وعادي عندي اذا خذيته "فور تو جو".
تمنياتي لج بالتوفييييييق حبيبتي
طن طن .. عرفتي شنو أقصد؟ .. لوووووووول ^_^
قوة يالمزاجية
انا رايى بستار بوكس فى البلوق
حياج وتعرفينه
:)
هاي هارديز على مرورك
بس احس انك من النوووع الي ايون جماعه ياكلون حلو ويمشون لوووول صح=)
طن طن .... ماشي ياسولو شوفي حبيبتي انا اقول انتي من النوع الي ياخذ ويمشي بس اذا في احد يشجع تقعديدن اعتقد راح تقعدين ...طن طن اراويج لوووول
هااااي كظماوي راح تلقى ردي بالبلوق مالك
مزاجيه انا نوع الخامس وضيفي عليه
بس يبيله تعديل
قاعده بروحها
معاها مسجل
وتسمع وتسجل
ولا ديجيتال ريكوردنق
أو
ساعات نكون ثلاث
وحده متحجبه
وحده مو متحجبه
وحده متنقبه
يعني طبي وتخيري كل شي موجود
هلاااا ابعتيجه والله شوفي حبيبتي النوع الخامس احس انهم ناس عاقلين مو من النوع الاول الهيلق ... اللله9 يبعدج عنهم ويكفيج شرهم
إرسال تعليق
<< Home