جم مرة...حكايات كويتية

1. جم مره تقول بدرس حق الامتحان من فتره وكله تدرس حزت الحزه
2. جم مره تقولين بصوم ديني وكل مره تأجلين لين يدش عليج رمضان الياي
3. جم مره تقول خلاص ماني قاز بالشارع واخر شي جنك ماتدري انت بأشارة الحب
4. جم مره فكرت تشيل 100 دينار مو معاشك بس ايدك تاكلك من ينزل المعاش
5. جم مره تطلين في موبايلج حتى لو ما رن بتشوفين في مس كول ولا مسج
6. جم مره نقول نبي نحجز شاليها الخيران ونروح مركز المعلومات وكله مسكر
7. جم مره لحقج واحد حقير ومصدق عمره انه رايح يرقمج
8. جم مره قلت بقوم مبجر عشان اسبح واروح الدوام واخر شي نايم وماخذ طبيه
9. جم مره لي صار عندج استقبال ولا عرس تطلعلج حبه ولا نفره تغث عيشتج
10. جم مره انعزمتي عند رفيجاتج وامج مارضت وجذبتي وقلتي تعبانه ما اقدر اييكم
11. جم مره حطيت موبايلك على الشاحن وبعد ساعه لي ييت تطلع ولا البلاك مسكر
12. جم مره تدور مصفط ولما تلاقي مصفط تدوس تبي تروحله ولا سياره سمارت صافطه فيه
13. جم مره وانت تسولف بالتلفون مع أحد ويخلص رصيدك ويكون اهو بعد مخلص رصيده...ويكون الفرع مافي كروت وتعضون أصابع الندم ...خنت حيلي
14. جم مره صبغتي شعرج وطلع ظيم ورديتي صبغتيه مره ثانيه...عزت الله احترق الشعر
15. جم مره رقصتي بعرس وكل من زاغ عليج وعلى رقصج وسالوا عنج !! لوووووووول..وماشفتي خطاطيب
16. جم مره شاد حيلك تبي تتغدى في نينو واخر شي طايف لفت المطعم ...من الطفاقه
17. جم مره وانتي بالمسيله قاعده تتشمسين وتشوفين بويه رايحه وراده عليج تخزخز...قطع
18. جم مره وانتي ماشيه والهوى يطير حجابج وتطلع القبعه الداخليه جنج صعيديه ..كاااااااك
19. جم مره وانتي حدج كاشخه عندج عرس وتطالعين نفسج بالمنظره وتقولين ياحلاتي يابخت اللي بياخذني
20. جم مره وانتي قاعده بالمحاضره وطليتي على ريلج ولا اظافرج تخرع واللي يمج مسويه بديكير!! لوووووول
21. جم مره وانت بالمحاضره تشم ريحه مش ولا بد واخر شي يطلع اللي يمك والمحاضره توها مبشله
22. جم مره وانت تكون حدك كاشخ ومسوي ذيج النسفه ويقولك واحد يالحبيب طمقت المصبغه ورى
23. جم مره وصلج ايميل وانتي مبطلته بكل ثقه ويمج امج او اخوج واخر شي يطلع ايميل مو خوش شي!! لوووووووووووول...فشله
24. جم مره يوصوص عليك مسج الايسكيو وانت بالدوام ومسؤلك يمك يقول شنو هالصوت لوووووووول
25. جم مره دشت عليك مرتك وانت حدك منهمك بالبال توك تقولك شتسوي تقول اكلم رفيجي بامريكا
26. جم مره ييت تبصم حق طلعت الدوام ولا ايدك فيها اكل ولا فتافيت بسكوت لووووووول
27. جم مره حشيتي مع وحده في جنسيه معينه واخر شي طلعوا خوالها....لوووووووووول .. (ايه والله عاد صج) مو بسكم حش
28. جم مره شريتي جنطه من ديور يديده وتروحين الكليه وله ثلث البنات لابسين مثلها تقليد
29. جم مره وانتي بارض المعارض رايحه معرض العطور واييلج واحد خروف ويتلصق فيج...ويعه
30. جم مره وانت كاشخ حدك في مطعم ورعصت الكتشب جان يطشر على ويهك وهدومك
31. جم مره غنيت بالحمام واندمجت عبالك صوتك حلو واخر شي الوالد يزفك ويبي يكسر عليك الباب
32. جم مره كلمت بنت وجذبت عليها وقلت لها احبج عشان تاخذ منها فلوس حق السفره
33. جم مره تقول بسمع قران بدال الاغاني ومن الحين ناطر شريط نوال اليديد
34. جم مره تقولين لي ضافني احد بالمسنجر ماني ضايفته ومن يضيفونج اوووووكي على طول
35. جم مره تقول ببطل من النت اللي تلف حياتي وبطلع اشوف الناس وليلحين معشش عليه
36. جم مره فزيت بنص الليل بسبت سحب عمال النظافه لدرامات الزباله عبالك مدافع (لوووووووول ايه والله)هاهاهها
37. جم مره تقول اليوم بنام مبجر حق الدوام وماني شابك بالنت واخر شي مقعد اهلك حق صلاة الفجر
38. جم مره تقولين هالشهر ماني رايحه السوق واخر شي الدبه ماتتسكر من المشتره
39. جم مره قلت بينك وبين نفسك هذا اخر باكيت زقاير ادخنه بس حامظ على بوزك
40. جم مره تحط بالمسنجر انك مشغول او بالخارج واييلك واحد مليق يقولك شتسوي
41. جم مره شفتي صوره واحد بالمسنجر شحلاته ولما تواعدينه يطلع سحت ويقول حاط صورة رفيجي عشان مابي اخسرج.....خنت حيلي والله..لوووووووووووووووووووووووووول
42. جم مره وانتي رايحه بتركبين سيارتج وتلاقين ورقه عليها تستانسين عبالج رقم واخر شي يطلع اعلان خدمات طلابيه
43. جم مره وانت تحاسب بالجمعيه يطلعلك بنغالي ملقوف وشاد حيله سلام بابا يبي يدز العربانه....خو كلهم جيسين
44. جم مره تدزين ايميل مشاركه حق اي قروب وتيلج اضافات بالمسنجر من شباب الكويت كلهم
45. جم مره طاحت عليك دوريه وانت مطلع الصاحبه ويطلعون الشرطه مطاوعه لوووووووول
46. جم مره كنتي مستعيله ورشيتي عطر في عيونج ونزلت الماسكرا على خدج...لوووووووووووووووووول
47. جم مره تنسين الحجاب وانتي طالعه من الصالون وتحسين رقبتج بارده من ورى ...يالهويــــــي
48. جم مره غسلت سيارتك ولمعتها بالمغسله ومن تطلع يطق مطر ولا يصير غبار....هذا جونا بعد شنو
49. جم مره تعبت وانت تسوي براشيم واخر شي ولا سؤال يالك من اللي برشمته
50. جم مره جذبت على الاوادم وقلت انك مسافر واخر شي شايفينك بالمرينا...اوبسسسس

ملاحظه :للامانه منقول من ايميلي بس حبيت اتشوفون حالنا لووووول